10月4日 12:07
好彩今日指數唔係出「三角形」旗，但係「長方形」旗都唔係好玩得去邊，因為無人會知道旗面要玩幾耐。
Anyway，理得指數依家係高位引熊定引牛，總之有位出到，有位食到就得啦。今朝揀咗隻恒指牛(52522)出嚟，以Patreon出文時間10點正，如常用返10分鐘作為睇文的話，則於10點10分再睇返個走勢圖，指數上到22300點附近後，借緊10線企穩。
借10線出再用返10級做量度線，未落場之前好Set定走貨位，呢一點係時刻都提住咁多位戰友，皆因好多人都只係識買唔識賣。
如常的用10分鐘作為買貨時間的話，於10點10分至10點20分期間，(52522)高低位做過0.113元/0.095元，平均買入價為0.104元。
指數少少步履欄珊地向上行，半日高見22650點，升穿噚日高位22484點但又未到前日高位22667點。日前圖上又拎返兩日前畫過嘅黃金比率，0.5位置前約22700水平出「三頂」。如果，如果呀，今次都唔過嘅話，咁佢會改名做「四頂」。
高走過後10線於11點35分終於都守唔住指數，(52522)亦都觸發咗走貨訊號。同以10分鐘走貨的話，期內(52522)高低位做過0.125元/0.112元，平均走貨價為0.1185元，呢一趟即平均執12.24%。
今個星期追好倉都追到肥，提早半日收工當係獎勵下自己好過(主要係頸痛)
作者阿珊，以技術分析專心玩輪證，唔貪心，努力賺取我家肥貓罐罐。
