10月3日 13:32
今日揀咗隻恒指熊(68313)，本來諗住即出咁滯，但文都未寫完指數繼續落，為免又出到文之後成個世界反轉晒，所以同步Pick定一隻恒指牛(51753)，再早啲出文，務求喺10點左右睇小時圖10線比答案。
以今朝Patreon出文時間為9點52分(好少10點前出到文)，如同平時一樣用10分鐘時間去睇文的話，則於10點2分再睇走勢圖，以當時10線為21950點計，指數喺睇圖之後嘅1分鐘就已經失守；(68313)可以出動。
如同平時一樣用10分鐘作為買貨時間的話，則於10點至10點10分，期內(68313)高低位做過0.1元/0.082元，平均買入價為0.091元。
期後指數保持下行走勢，去到大約11點25分見指數同Slow STC(14.3)喺五分鐘圖上有出觸底向上嘅動作，同步見保歷加通道口收窄，即係Swing Trade出現返。
再換埋個小時圖，指數未到20線，但就喺線上出返下影線，有抽起嘅情況，換言之，(68313)都係時侯要走人。
以5分鐘圖見11點35分指數上返5分鐘圖10線，同步確認Slow STC(14.3)離開超賣範圍而走貨，一樣用返10分鐘時間的話，期內(68313)高低位做過0.118元/0.109元計，平均走貨價為0.1135元，呢一趟平均執22.5格或19.82%。
指數呢一下回穩再上，作戰室已經反手好倉中，今朝Pick嘅(51753)其實都仲用得，成交活躍又仲有17.5倍槓桿，一樣都係反方向睇住線逐線逐線向上打，只不過係依家1點13分，指數跌幅縮到上不足500點之後遇到50線，保歷加通道口都仲拓闊嘅，不過都係等一等就安全啲嘅。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
