8月26日 13:28
今朝揀咗隻恒指熊(64731)出嚟，無特別只係計劃借五分鐘圖嘅中軸過線的話就出隻淡倉。
以今朝Patreon出文時間為10點30分計，如常用10分鐘時間去睇文的話，則於10點40分再睇返個五分鐘圖，其實指數已經低走於中軸線樓下，不過之後見佢重新再上返中軸線，同步保歷加通道口收窄中，Slow STC(14.3)未到超買見觸底，唉~ (64731)怕且都係還原基本步，等Slow STC(14.3)出觸頂向下先至有位出場。
都唔駛等好耐，多得保歷加通道口收窄令件事快啲到，喺11點40分已經見到Slow STC(14.3)兩線上到80樓上，比多五分鐘觸頂出現，(64731)係可以落場，但變相被局限嘅係，因為保歷加通道已經收窄咗嘅關係，要小心指數隨時只係借保歷加嘅頂至底行Swing咋。
如常的用10分鐘作買入時間，即於11點45分見觸頂後出(64731)的話，期內高低位見過0.052元/0.048元，平均買入價為0.05元。
或者時近完半場放飯啦，所以指數都唔係好郁，及至下半場開市之後，見指數仍低走於中軸，淡倉再hold下望住今朝低位17709點合理，皆因五分鐘圖上亦見50線向上走緊，純借保歷加通道口拓闊再瀡落去嘅話，少少擔心17700點呢啲整口位可能硬硬地，所以作戰室淡倉在手嘅都睇住保歷加通道口嘅造化啦。
作者阿珊，以技術分析專心玩輪證，唔貪心，努力賺取我家肥貓罐罐。
