8月20日 15:09
今朝揀咗隻恒指熊(64594)出嚟，計劃都係借小時圖做一趟向下嘅Swing，唔貪心見中軸咁痴線，但都希望可以落返去噚日開市裂口底部；同步借10線作上方量度線。
莫講話喺呢度，就連作戰室呢兩日都難做Day Trade，事關指數都係一開市向下/上走咗一小段路之後就開始出現橫行嘅情況，變相一係大家坐定定9點半開市之後就快手快腳做一趟；留半注放風箏的話，隨時放到下半場都仲要放跟。遲咗嘅...都真係無計，皆因指數真係低速兼窄幅運行。
到咗下半場開市之後，見保歷加通道已經收窄返，度一度頂至底線只係高40點，咁你話，拉到盡，計到最闊都只係得呢個高位，唔好話玩，差啲連睇都唔想睇。
所以，唯有借用小時圖做彿系，再拎返隻(64594)出嚟先。按今朝Patreon出文時間為10點17分，如常的用10分鐘作為睇文時間的話，則於10點27分再睇返走勢圖，當時指數喺五分鐘圖上已經見到落到150線後止步再慢上，同步Slow STC(14.3)亦見觸底；記得觸底係不利出好倉，尤其是Day Trade遇上分鐘圖。
出倉無嘢要急架，唔出都唔駛跪低架，只要喺啱嘅時侯做啱嘅事就可以架啦。終於等到11點50分，見Slow STC(14.3)兩線上到超買位後向下回落，即頂出現後，指數亦見有向下嘅情況；覆盤埋小時圖嘅情況，見指數仍然低走於10線以下，拿，符合晒出倉條件啦，咁吼呢個位出隻(64594)亦都著燈。
同平時一樣用10分鐘作為買貨時間嘅話，即於10點30分至10點40分入隻(64594)，按期內高低位做過0.055元/0.053元，平均買入價為0.054元。
時間嚟到1點30分，恒指其實咬住喺17500點邊皮位真係好耐，耐到我都覺得有啲對唔住個地球，太嘥電啦！數住格仔可以嘅，最好落得到多一級即日收割啦！
作者阿珊，以技術分析專心玩輪證，唔貪心，努力賺取我家肥貓罐罐。
