8月6日 13:32
今朝無揀到任何貨出嚟，坦白講今日上半場食得最大截嘅就係10點15分左右之前嗰一浸，五分鐘圖上見指數四次唔過150線，喺第三次唔過嘅時侯作戰室已經出咗淡倉，就係呢一注正數之後指數亦開始見出「長方形」走勢，上半場尾段時間先叫做回返少少。
相隔一段嘅日股波幅比港股大，部分戰友亦轉到日股市場，Anyway，個圖都係一樣，啲線都係咁睇，所以同一套技術分析都可以應用喺日股身上。
不過午後返嚟原來都可以玩到一趟，皆因午前見五分鐘圖上最後兩粒燭出咗爭一點嘅「平頂」，少少似噚日下半場開市嘅翻版，又係喺午後開市無耐做多次日內低位，午後小時圖見指數雖然有稍過10線，但最終都係企唔返上去，目前整條保歷加向下回落，係爭在條Slow STC(14.3)未轉向下。
搭半都未到作戰室又完成一Round淡倉，依家大家擔心嘅係，一陣間會落大雨...係呀，據戰友回報總部講，深水埗行雷中啦。
今日下半場自己玩住Swing Trade先，因為阿姨我今日要返醫院覆診。
作者阿珊，以技術分析專心玩輪證，唔貪心，努力賺取我家肥貓罐罐。
