7月29日 13:18
今朝揀咗好/淡倉各一隻，主因係指數於小時圖上企住喺中軸線，所以就要等睇指數企喺中軸線邊一邊而決定出邊個倉。
以今朝出文時間10點24分，如常用10分鐘時間去睇文嘅話，即於10點34分再睇返個市，五分鐘圖畫咗「三角形」喺今朝篇文都已經畫咗，而睇返走勢圖嘅時侯，指數重新踩返五分鐘圖10線樓上，至於小時圖條中軸就更係未失過，恒指牛(56189)可以拎出嚟啦。
同平時一樣，用10分鐘時間落場的話，於10點35分起計10分鐘出隻(56189)，期內高低位做過0.05元/0.046元，平均買入價為0.048元。
落場後初段時間都係見指數Hea住喺條五分鐘圖10線之上，但去到11點打後見指數開始發力，再到11點20分時更見指數上破17300點，直至11點35分時見17340點見半日高位兼出爭一點「平頂」後先至稍稍回落，午前指數仍然企於五分鐘圖10線之上；而保歷加道道亦重新保持平衡向上，Swing Trade繼續。
指數今日上行被戰友形容為「慶祝江旻憓奪金而升」，嘻嘻，如果真係嘅話咁恒指係咪要準備升兩個星期？
下半場開市後仍然見到指數守於五分鐘圖嘅10線樓上，咬緊少少(56189)借佢嚟做下方量度線可以，反正嚟到呢個位點都正數啦！
今晚輪到張家朗出戰，凌晨仲有何詩蓓，香港運動員並唔係臘鴨！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
