7月24日 13:32
真係，一樣米養百樣人；一個市場餵住幾百樣老散，呢期市悶唔再講，今朝都有睇到條VHSI，應該都會繼續唔開胃，不過作戰室沉着氣的都仲可以力挽狂瀾，格數唔多但仍然有位爬得到。
都係嘅，好多人都諗住快上快落幾下，然後從中出倉再快手爬格，咁樣做完一Trade嗰種快感比賺錢嚟得過癮，然後又可以拿拿聲重回工作崗位，到之後有時間再睇嘅時候，又博佢快上快落，自己又做到快閃黨，嘗多一次嗰種「快感」。
事實上真係唔係個個都有咁嘅時間，或者個時間同大市咁「吻合」，變相呢啲市可能真係啱佢哋玩：用小時至日線圖捉大方向出倉後 > 工作 > 過一段時間返嚟再睇 > 有格仔撈到，跟手離場。今日作戰室比較大部分嘅都係呢種玩法。
「咁咪同平時用小時圖做彿系注差唔多？」時間上有少少分別，如果爬格仔係等於豹，而彿系注係樹懶的話，咁上面所講嘅呢種方法，就可能係貓仔，介乎於兩者中間，亦都可能係比較大多數打工仔會「適合」嘅時間：無會開老細無叫你而又比較有啲時間得閒望下，但係唔能夠長時間開始個芒怕被同事知道。
下半場開市，指數目前於五鐘圖上見被中軸仲係頂住，作戰室做咗一朝早貓仔之後都開始見躺平狀，一來已經正數咗，以「過咗海就係神仙」嘅說法，佢哋已經升咗神(哈哈)；二來保歷加通道收窄中，喺1點12分量度過頂至底只係得63點。
大家應該可能食緊Lunch架？繼續食啦，慢慢食。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
