【輪證下半Part】借5分鐘圖STC做ST識玩未？

今朝望住個市，搞文嘅剛好指數喺小時圖嘅50線之前過與唔過之間，小喇叭，焗住唯有喺呢度揸定雙槍，左手恒指牛(63126)等過線後掟出去；右手就恒指熊(62965)，等唔過線時就掟出去。

以今朝出文時間為10點20分，如常的用10分鐘作為睇文時間的話，即於10點30分再睇返走勢圖。當時以小時圖50線為17747點計，指數刪好低於50線以下位置，同步5分鐘圖上亦見恒指高位回落，Slow STC(14.3)兩線向下，啱啦，借埋佢做Swing Trade出隻(62965)啦！

如常的用5分鐘出隻(62965)，按期內高低位做過0.049元/0.044元，平均買入價為0.0465元。借5分鐘圖做一趟Swing Trade的話，見11點10分Slow STC(14.3)已經出現觸底反彈，(62965)轉身射完個三分波之後跑去對面場。

同以10分鐘時間走(62965)，其內高低位做過0.05元/0.044元，平均走貨價為0.047元，的確呢趟只能快閃，事關作戰室已經早於10點35分出淡倉，所以小賺半格或1.08%。

竟然揀咗兩隻貨出嚟，呢頭借Slow STC(14.3)超賣觸底走淡倉，同步梗係嗰頭超賣觸底出好倉啦，一直以來不論喺作戰室還是呢篇文章講嘅Swing trade都係咁玩嘅。

借11點10分見Slow STC(14.3)超賣觸底而比隻(63126)，期內高低位做過0.053元/0.046元，平均買入價為0.0495元。但呢注出動之後，要留意嘅係保歷加通道喺5分鐘圖上開始出現收窄，同時愈近上半場完場+下半場開市，就愈會行得慢同低波幅，所以都要有少少心理準備時間換格仔。

不過，出奇地呢一注好倉又唔駛等好耐喎，上半場未完，大約11點50分已經見到Slow STC(14.3)兩線上返超買，Miss咗都唔怕，因為去到下半場1點15分都仲見到Slow STC(14.3)超買中，喺1點20分開始離場超買範圍，換言之喺呢段時間(63126)可以收網，又睇下可以撈到幾多格返嚟。

按呢段時間(63126)高低位做過0.059元/0.052元，平均沽貨價為0.0555元，呢一網撈到平均6格或12.12%。

好啦，望望鐘依家1點半左右，Slow STC(14.3)兩線早已出咗觸頂向下，借Slow STC(14.3)做Swing Trade已經唔係第一次示範啦，識玩未？

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar