6月27日 13:44
今朝揀咗隻恒指熊(62770)，基本上都只係借小時圖保歷加通道口拓闊同Slow STC(14.3)繼續向下瀡過去。目標就梗係向住啲重貨牛出發啦。
按今朝出文時間10點29分，如常的用10分鐘睇文的話，即於10點39分再睇返條指數，見向下勢頭仍然都係無變，於是(62770)可以直接掟出去，期內高低位做過0.06元/0.058元計，平均落場價為0.059元。
睇返五分鐘圖，當場嘅時間其實同時見保歷加通道口都收窄中，而Slow STC(14.3)兩線都已經處於超賣，兼有超賣再超賣嘅情況出現，淡倉出動嘅就要小心指數同Slow STC(14.3)出觸底情況。
然而，11點打後見指數已經喺大約1772X點出現築底，之前借小時圖畫嘅底線都已經過咗。上半場結束後見指數喺小時圖上出咗「倒轉錘頭」，呢粒的確係轉勢燭...都係等下半場開市之後，如果見到指數同Slow STC(14.3)出觸底的話，咁隻(62770)安全計都閃人先。
下半場開市之後，見指數喺五分鐘圖上仍然被中軸線頂住，淡倉有辦法再Hold耐多少少。無幾耐指數跳落去17700點樓下，依家1點13分，暫時低位見17688點，換言之牛證重貨區17700至17799點宣布全數被收回。
望望隻(62770)，依家1點18分見證價做緊0.062元，對比平均買入價叫做多咗3格咁大把，鬼叫唔係一開市就衝入到去依家咩，戰友就係啦；(62770)其實無set目標價，數夠格仔收工可以，上方量度線借返五分鐘圖嘅中軸亦可。
反正都有正數囉，隨你啦!
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
