6月26日 14:51
今朝都係揀定牛/熊各一，計劃等小時圖睇指數過唔過條50線就掟咩貨出去。
以今朝出文時間為10點14分，同平時一樣用10分鐘時間睇文的話，則於10點24分再睇返個走勢圖，當時小時圖見18078點，而指數就剛好喺50線之上向下回返落嚟，重新低走於50線。換言之，今朝揀定嘅恒指熊(62390)可以放出場。
同平時一樣，用10分鐘時間去買貨嘅話，則於10點25分至10點35分期間出隻(62390)，期內高低位做過0.042元/0.039元，平均買入價為0.0405元。
借埋個五分鐘圖嘅話，其實當時指數喺五分鐘圖上面被條10線架住...的確有少少擔心指數借10線重新再上，還是落場後等多陣終於見到指數向下。去到11點20分見Slow STC(14.3)兩線落到超賣位，同步指數都掂到保歷加通道底線，但係未見保歷加口拓闊，唔貪心嘅喺呢啲位數一數格仔都可以。
如同平時一樣，都係用10分鐘作為走貨時間的話，按期內(62390)高低位做過0.046元/0.043元計，平均走貨價為0.0445元，即係呢一趟一個鐘左右啦，平均執4格或9.88%。
望望鐘依家2點44分，唔係編輯遲上稿，係我遲交稿，咪再催啦! 再催唔寫啦! 自己入嚟作戰室玩啦!
作者阿珊，以技術分析專心玩輪證，唔貪心，努力賺取我家肥貓罐罐。
