6月13日 13:30
今朝揀咗隻恒指牛(56768)出嚟，都已經借五分鐘圖一步一步向後退，先借10線、企唔到再借中軸，都仲企唔到就等Slow STC(14.3)出觸底。
比多少少buffer位自己都唔係無用架，雖然等到明確方向先出動可能會蝕咗少少轉角位嗰下賺幅，不過至少可以增加多少少勝算率先嘛。
終於退到用最後一個方法，就係同平時一樣借五分鐘圖嘅Slow STC(14.3)出觸底後行Swing。喺今朝大約11點，見Slow STC(14.3)兩線已經回落到20以下超賣範圍，今次出貨位都真係比較多，事關去到11點30分打後先見Slow STC(14.3)兩線上返觸底。喺呢半小時裏面出隻(56768)博行Swing Trade一趟，望到出貨個時間都留意保歷加通道口準備收窄，係有增加出Swing嘅可能，但同時因為保歷加頂線向下，壓低了指數上行空間。
喺呢段時間出隻(56768)，按期內高低位做過0.04元/0.035元，平均買入價為0.0375元。
真係唔好貪，順得Slow STC(14.3)出觸底上就準備返佢喺超買位走。喺上半場完場前已經見到Slow STC(14.3)兩線上到80樓上。由於剛好係半場收市時間，未夠10分鐘時間走貨，但如果你根本唔需要10分鐘時間走貨咁耐嘅話，相信你已經喺上半場打鐘之後清咗隻(56768)。
Anyway，守返呢度嘅規則，以上半11點55分最後五分鐘&下半場開市後首五分鐘呢10分鐘內走隻(56768)的話，期內高低位做過0.042元/0.039元，平均走貨價為0.0405元，呢一趟平均執3格或8%，應該夠一陣去買個蛋撻嘅。
作者阿珊，以技術分析專心玩輪證，唔貪心，努力賺取我家肥貓罐罐。
