6月11日 14:15
今朝揀咗隻恒指熊(60747)出嚟，揀嗰時都仲未見指數向下穿過18000點，但位置亦都唔係爭好遠，講緊不足30點啫。去到10點32分，即今朝出文後15分鐘，見指數失18000點，不過呢個情況只係維持咗3分鐘嘅時間，指數重新咬返18000點樓上，連同Slow STC(14.3)兩線出現觸底，(60747)可以收落籠底。
「咁可以用返5分鐘圖做Swing Trade架嘛？」Yes...但係指數開始進入橫行窄幅上落，同步保歷加通道口亦喺11點打後開始變返窄窄嘅通道，到依家1點10分，即下半場開咗市，見指數都仍然喺大約跌280幾至跌310幾呢幾十點上落。但如果由今朝Day Low嘅17994點起計到依家有掂過1810X點，用咗個零鐘Trading Hour計，咁都總叫做有百鬆啲點回返上去(可想而知個斜度有幾低)。
換個小時圖見指數亦都有似跌定嘅情況，皆因Slow STC(14.3)兩線有見觸底，同時整條保歷加通道都向下，比到條件指數出Swing Trade走勢。
好少喺下半Part重新再Pick貨，不過無嘢係無可能。恒指牛(57252)，收回價17700點，同現價有約360點距離，槓桿有約46.3倍，同一收回價中槓桿最高。
如果，5分鐘圖上呢條極低斜度嘅「上升通道」係生效的話，小注放隻牛出去，睇下有無計用時間換格仔。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
