6月7日 14:32
今朝揀咗隻恒指熊(60684)，諗住過得到小時圖呢個「平底三角形」底線嘅話，先放佢出去奔跑下。
以今朝出文時間10點22分，如常的用10分鐘作為睇文時間的話，即於10點32分時再睇返個走勢圖，五分鐘圖見指數「大陰燭」喺中軸前出現，中軸唔過，指數向下，呢啲位出淡倉落去追跌係目常合理，只不過要好清楚知道呢個係偷步嘅做法，皆因指數喺小時圖上未見到向下破線。
事實上，稍等一下到11點10分，見指數第二次唔過中軸再向下落兼到大約18383點位置，呢個位就係小時圖嗰條底線嘅位置，比多五分鐘即刻穿比你睇，符合咗出(60684)嘅條件。
如常的用10分鐘作為買貨時間的話，即於11點15分至11點24分出倉，期內高低位做過00.059元/0.055元，平均買入價為0.057元。
落場場未見指數再向下衝，反而再喺183sth呢個位築多次底線，唯有再靜心等侯下一次機會。
用得小時圖都預咗過Lunch time，真係唔似得作戰室裏面咁一個朝早食到飽之後再去開工。下半場返嚟之後見指數雖然有高過中軸線，不過一過即出「平頂」，所以，戰友無反手之餘亦都重新再睇淡倉，到依家1點49分，恒指跌幅擴大至跌161點，報18314點。
守到隻淡倉2點見指數低位出現「早晨之星」，喺作戰室拿拿聲大嗌清倉之後，呢度隻(60684)都應該要清貨。
同樣地用10分鐘時間清貨的話，則於2點至2點10分走貨，期內(60684)高低位做過0.062元/0.058元，平均走貨價為0.06元，即呢一趟平均執到3格或或5.26%。
再唔走嘅話，3格都無呀！
作者阿珊，以技術分析專心玩輪證，唔貪心，努力賺取我家肥貓罐罐。
