6月5日 13:57
今朝揀咗隻恒指牛(60082)出嚟，同步今朝都講過，當你睇完之後再望返個市，見五分鐘圖整條保歷加通道上行的話，即指數行Swing Trade嘅機會增加，如是者，試下指數用唔用到10/20線企好再上；都唔得嘅，咁隻(60082)等Slow STC(14.3)出Swing trade啦。
以今朝出文時間為10點24分，如常的用10分鐘作為睇文時間，則於10點34分再睇返個五分鐘圖，當時指數已經失守10線，不過仍然同20線都仲有少少距離，再比多小少時間去睇嘅話，指數被10線頂住嘅同時，於11點確認指數失守埋條20線，換言之(60082)唯有要等返Slow STC(14.3)落到超賣位出Swing Trade先至可以出手。
終於等到11點35分，見Slow STC(14.3)兩線於超賣範圍內確認觸底，(60082)可以落場。
如常的由11點35分起計10分鐘，期內(60082)高低位做過0.026元/0.023元，平均買入價為0.0245元。
留意恒指依家亦如同平時一樣，指數喺下半場往往都係比較悶，時間換格仔唔係唔得，但依家1點35分，指數猶如細路仔食飯咁「誓願」誓至依家見回返上升67點，報18511點，但係保歷加通道口keep住收窄，又中軸唔多似過喎，如果你都有好倉嘅過，保正數走貨算啦。
戰友做緊乜？呢個鐘數應該仲食緊Lunch，因為今朝大家都食晒囉！
作者阿珊，以技術分析專心玩輪證，唔貪心，努力賺取我家肥貓罐罐。
