5月27日 13:38
或者指數連自己都未諗掂佢想行去邊，這邊廂Fibonacci到0.5，似乎有啲支持；那邊廂喺18400至18499點見過千張期指的重貨牛，咁重又咁近點都會向下打掛。喺情義兩難全嘅情況之下，今朝指數選擇咗出「V型」走勢，低位見過18504點，高見過見18742點，高低差238點，作戰室就係借呢兩個位做咗兩趟Swing。
又咁講，今朝借五分鐘圖出觸底而捉嘅Swing真係教科書式咁靚，喺大約10點35分，指數喺五分鐘圖上低位出「錘頭」+下影線踩到保歷加底線+Slow STC(14.3)出觸底，集齊三個印花又有乜可能唔棄淡轉好？
至於今朝揀嘅恒指熊(59302)，按今朝出文時間見10點18分，如常的用10分鐘去睇文的話，則於10點28分時再睇返指數，Slow STC(14.3)兩線處於超賣位，唔緊要，但問題在於當時保歷加通道正在橫行中，所以可以預計到Slow STC(14.3)將會出現到Swing，呢啲位就唔係出淡倉嘅時侯啦。
可以做嘅係等返Slow STC(14.3)兩線上返超買時先至出淡倉，博指數向下做多一轉Swing；但要留意嘅係一踩入下半場往往都係時間換格仔嘅時間，同埋中軸線一唔過，咁Swing就難做架啦。
依家1點14分，睇返五分鐘圖見Slow STC(14.3)喺上半場11點15分兩線上到超買位，呢個的確符合出(59302)嘅策略，由此起計至11點40分，即Slow STC(14.3)行緊超買期牌出(59302)的話，期內高低位做過0.065元/0.058元計，平均買入價見0.0615元。
指數其後有見向下，不過午前未見佢壓向中軸線；午後見過10線再上，Slow STC(14.3)反方向走，Swing唔落去，(59302)亦無得留低。
以午後見指數上破10線+Slow STC(14.3)轉咗勢而走(59302)，如常用返10分鐘作為走貨時間的話，期內高低位做過0.063元/0.053元，平均走佬價為0.058元，呢一趟平均輸3.5格或5.69%。
OK啦，未係好入肉嘅~
作者阿珊，以技術分析專心玩輪證，唔貪心，努力賺取我家肥貓罐罐。
