5月21日 15:18
今朝揀咗隻恒指熊(58510)出嚟，好驚睇呢篇文嘅大家未必趕得切睇文 > 出貨 > 追落 > 再食餬，所以今朝都盡快掉隻稿出嚟。
以今朝出文時間10點17分計，如同平時一樣用10分鐘時間去睇文的話，即於10點27分再睇返個走勢圖，擺位上指數仍然處於小時圖20線以下位置，有理無理拿拿聲放隻(58510)落海，同樣以10分鐘時間入市的話，即於(58510)在10點半至10點40分期間，高低位做過0.053元/0.049元，平均買入價則為0.051元。
然而，當時五分鐘圖上嘅Slow STC(14.3)已經處於超賣位，唯有繼續借小時圖保歷加底線約19182點作為目標。
唔駛等好耐，喺10點50分已經見到指數失守19200點，再比多5分鐘，日內新低再見19187點，嚴格嚟講已經同保歷加底線18182點相約，皆因兩者只係爭5點。貪心鬼再比多5分鐘見指數無再向下，(58510)任務完成。
一樣，都係用10分鐘作為走貨時間的話，於11點至11點10分，(58510)期內高低位做過0.054元/0.05元，平均走貨價為0.052元，呢一趟平時只係執到1格或1.96%；都話架啦，做戰友係唔同啲架！
但如果你仲有淡倉在手的話，老老實實用恒指日線圖2023年高位及2022年低位拉個黃金比率出嚟的話，你就會見到其實噚日指數高位已經頂住黃金比率其中一條線；而今日指數向下，半日收跌400點，其實對比由16xxx累入3xxx點到依家嚟講，一啲都唔過分。
試下再hold淡倉嘅話，比較理想嘅係小時圖個保歷加通道口拓闊；或者如果你本身呢一注都唔係大注嘅話，過夜唔阻你。
作者阿珊，以技術分析專心玩輪證，唔貪心，努力賺取我家肥貓罐罐。
