5月3日 14:00
今朝揀咗恒指熊(52037)同恒指牛(56643)出嚟，事關見小時圖個位比較高，線拉唔到之下唯有用返五分鐘圖嘅中軸嚟做出好/淡倉嘅量度線。以今朝Patreon出文時間10點15分計，on top再加多10分鐘時間去睇文的話，即於10點25分再睇返走勢圖，當時指數仍然企於中軸之上，不過就低於10線啦。
呢個位其實同戰友們一早已經出咗淡倉，半日市未完大家已經Happy Friday晒！成個場幾乎得返我一個自言自語，Well~ its fine！我OK架！(如果係因為大家早已正數收割後，再轉返個身去真正嘅工作上嘅話)
等到10點50分，終於見到指數喺五分鐘見低於中軸，(52037)符合咗出場條件。如同平時一樣用返10分鐘時間落場的話，期內(52037)高低位做過0.074元/0.07元，平均買入價為0.072元。
落場後指數仍算是保持向下運行，但隨住保歷加通道口收窄嘅關係，指數亦低速慢行，及至中午收市見指數雖然仲低於中軸線，但點數計同買入個位分別唔大，唯有等保歷加通道口拓闊，比返多少少位指數上落。
到下半場開市之後，指數仍然被中軸頂住，Set中軸做上方量度線，下方最近嘅見50線或保歷加底線，或者有格仔就執咗佢算囉。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
