4月15日 13:26
今朝做定兩手準備，揀咗隻恒指牛(53433)同恒指熊(54989)，以借小時圖今朝畫嘅16480點量度線作為好淡出倉分界線。
以今朝出文時間10點16分，如常的用10分鐘去睇文，即於10點26分再睇返個走勢圖，見指數已經重新爬番上接近今朝開市水平，即已經離開16480點呢條量度線嘅位置，指數高於線，所以(53433)可以出場。
如常的用10分鐘作為買貨時間的話，即於10點25分至10點35分買入(53433)，其內高低位做過0.058元/0.053元，平均買入價為0.0555元。
落場後指數仍然保持慢慢向上運行嘅走勢，但去到大約1663X點呢個位開始止步，事關五分鐘圖上見Slow STC(14.3)兩線已經上到超買位，同步保歷加通道口又見收窄，指數稍回還好如之前所指保歷加通道收窄的情況下，在指數被限制指數再上/再落嘅空間之下，午前未見指數大跌/大升。然而，換上小時圖上見，喺10點至11點，同埋11點至12點嘅高位分別見16636點同16634點，啱呀，爭兩點「平頂」出現啦。
下半場開市後，上文提到嘅「平頂」的確有少少頂住指數，不過，小時圖見整條保歷加通道向下有開始出Swing Trade條件，只要Slow STC(14.3)唔被佢壓返低就得啦。至於(53433)，依家1點14分見證價做緊0.056元，同平均買入價差不多，惟五分鐘圖見保歷加通道頂至底得返60幾點，窄過條渠，懶得再等嘅，五分鐘圖Slow STC(14.3)趨得返上超買位，都當(53433)執到寶算啦；如果佢願意連保歷加都拓闊埋嘅話，咁就最好啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容【開市前速報】，七日免費試用：https://www.patreon.com/join/cbbcwar
