2月29日 14:14
今朝揀咗隻恒指牛(50486)出嚟，計劃借五分鐘10/20線企得住就出場，先上望小時圖嘅10/20線，同步用返五分鐘10/20線作下方量度線。按今朝出文時間10點16分計，如常的用10分鐘作為睇文時間的話，即於10點26分再睇返個市，五分鐘圖上見指數剛好喺10線之上出下影線守住，(50486)算是有位出場。
如常的用10分鐘作為買貨時間，即於10點25分至10點35分落場，期間(50486)高低位做過0.049元/0.045元，平均入場價為0.047元。
落場後喺五分鐘圖上見指數一直借住10線上行，去到11點更見指數於五分鐘圖上企高於所有平均線，換個小時圖見指數亦企到上10/20線之上，咦，咁即係到目標啦喎，下一步就即係等睇佢上到之後上得定唔定啦，定嘅就繼續Hold，唔定咪走人囉。
話口未完，五分鐘都未過，指數即時無力回比你睇，小時圖10/20線火速失守，於是(50486)亦要快快起身離場。
如常的用10分鐘作為走貨時間的話，按11點5分起計見指數下行作起步走，及至11點15分期間，(50486)高低位做過0.054元/0.045元，平均走貨價為0.0495元，呢一趟平均執0.5格或1.02%，但見到高位無力向下回落去嗰幾支連環陰燭向下插，打和個都算係咁啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
