2月15日 15:41
時圖中軸過唔過，過到線嘅就如常用返五分鐘圖嘅Slow STC(14.3)當行Swing Trade一趟。以今朝出文時間10點15分計，如常的用10分鐘作為睇文的話，則在10點25分重新再睇返個走勢圖，指數當時仍然處於1575X點呢個位橫行中，不過呢個位開 始見築起「長方形」，同步亦提醒於五分鐘圖上見Slow STC(14.3)處超賣位出淡倉係比較冒險，等多五分鐘的話即時會將呢一注由Plan A變Plan B，事關指數上破「長方形」頂線兼往16000點拋高高，咁嘅情況點出淡倉呢？
Plan B就係用返五分鐘圖嘅Slow STC(14.3)當行Swing Trade一趟，揀出嚟嘅係淡倉，所以等Slow STC(14.3)上到超買時先至出手。喺大約10點55分，五分鐘圖上見Slow STC(14.3)兩線上到80以上嘅超買範圍，而出超買嘅情況直至到11點45分，換言之喺呢段時間(69592)都符合到出場條件。
按(69592)期內高低位做過0.041元/0.027元計，平均買入價為0.034元。
落場後指數於高位16029點起步向下至中午收市報19547點，升幅收窄至半日升68點。而擺位上見指數回落返去保歷加通道中軸。
及至下半場開市後，出咗一支比較大嘅陰燭向下落，但同時受到保歷加通道收窄影響，所以到依家1點20分都未見指數再轉返紅色燈，暫時半日低見15894點，亦剛好有五分鐘圖嘅50線接住。至於Slow STC(14.3)方面，現水平兩線仍見有2X，未見低於20以下嘅超賣位，望埋隻(69592)，證價依家做緊0.038元，換言之即走的話平均有四格落先。
不過，貪心的又坦白講，的確係有少少睇中小時圖喺11點至12點呢個鐘所行出嚟嘅「射擊之星」，明白下方有好多條平均線仲有集中埋一齊，要先預咗呢個位嘅支持力都應該有返咁上下，同步Slow STC(14.3)兩線都仲未見到有向下回落嘅跡象。但喺指數未到線之前，偷唔偷埋個少少位好呢？咁就睇下你個注有幾大之餘，重新再望五分鐘圖10線向下壓得住指數，穿得到50線啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
