2月5日 14:23
明明見住指數靠近下方牛證街貨層，雖然都準備咗一Pair牛熊，不過見Post熊行先都估到心諗面係傾向出熊多啲。以今朝10點1分出文計，如常用10分鐘去睇文嘅話，即10點11分時再睇返恒指走勢圖，見指數已經踩高於小時圖揭出嚟嘅15142點量度線，咁按策略就派隻恒指牛(67862)出場，借小時圖10/20線做目標。
如常的用10分鐘出貨的話，以今朝10點10分至10點20分，期內(67862)高低位做過0.046元/0.04元，平均買入價為0.043元，落場後指數一直「相安無事」地慢慢向上移動。不過，去到10點45分左右，見指數喺五分鐘圖上失守中軸，睇住個點數逐步迫近之前拉出嚟小時圖嗰條
度量線，心諗：係咪咁邪呀？終於到10點55分時見指數稍穿小時圖底線，坦白講呢個位同戰友一齊玩緊時，都真係見過線受唔住而走好倉；明明仲要自己話到確認小時圖過底線先至走，點知自己怯得滯，未過到線自己了斷咗。
守策略嘅喺11點打後都見指數喺小時間爬返上去量度線之上，仲要11點5分至1115分期間，五分鐘圖上出現「大陽燭」向上狠狠將指數打返上去，雖然未至摑到應一應，係自己喺見佢差不多穿過買入點時而淆底走貨，不過說話上自打咀巴就真係抵自己死。
呢一注我唔會計數，不過如果你係用小時圖去Trade呢一注而嚴守過量度線先至止蝕的話，依家1點52分，恒指一度倒升過百點，高見15669點，呢注好倉應該唔止夠買蘿白糕，食埋盤菜都仲可以。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
