1月29日 14:13
聽日就期結日，即係今日就係轉倉高峰期/最後機會，指數今朝開市搶高見16200點樓上之後，到依家雖然指數未見倒跌，不過都還算是定住喺高位度，你話班友仔唔係咬住指數喺高位轉倉都無人信啦。
今朝等小時圖都等咗好耐，事關今朝指數向上衝高至16238點時，同上個星期喺小時圖見嘅高位差唔多，拉出頂線之下再揀埋恒指牛(68153)同恒指熊(66142)，等睇指數過唔過線啦。
以今朝9點55分出文，如常用10分鐘作為睇文時間，即係10點5分再睇返恒指走勢圖，見再做多次日內高位16258點，唯於五分鐘圖上見指數出上影線，其後走勢向下，再到10點15分時見指數向下穿過五分鐘圖嘅10線，咁小時圖條頂線都暫時追唔到啦，(66142)唔過線可以出場。
以(66142)當時高低位做過0.049元/0.041元計，平均買入價為0.045元，落場後見指數向下，雖然午前見指數被10/150線夾住，不過午後終於見到指數向下再落到中軸附近，明嘅，整條保歷加通道向上之下，中軸都有上去搵指數，所以令到件事快啲到啫。而喺1點27分時見指數最低報16012點，低過今朝開市水平嘅同時，亦同小時圖20線(1點至2點報16013點)相約，有格仔爬走佢嘅當然可以啦，再數嘅等指數過埋條中軸咁狼嘅，咁就等2點打後啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室免費試用：https://www.patreon.com/join/cbbcwar
