1月3日 13:55
恒指今日續落，不過今朝反而無揀到淡倉出嚟，反而揀咗隻恒指牛(64197)，事關見到小時圖Slow STC(14.3)有出觸底之嫌，所以諗住搵隻好倉出嚟試下即日彈唔彈得返上去。Set好以五分鐘圖「長方形」頂線破得到位嘅話先至出動，但可惜等咗成朝，都仲係未見有異樣
到咗下半場開市之後，指數仍然喺60點到不足70點嘅「長方形」裡面運行，頂底線都未過之下，唔好話隻淡倉，出咩倉都有難度。再望下依家1點21分成交先得嗰430億，好明顯過咗新年之後都唔代表中環班人喺開工，隨時佢哋都仲放緊假，未必係自己去玩緊，可能係啲細路未返學，唔通要悶埋呢兩日，到下個星期先至會郁？
另外，基於噚晚見美股蘋果(AAPL.US)向下碌咗3.5%有多，盤後亦有0.2%微跌，同步日線圖上見蘋果保歷加通道口有拓闊嘅情況，知明股價被50線同150線卡住，但都博一博被大行唱淡後今晚會唔會再有資金現追跌，反正Slow STC(14.3)兩線都未到底。
造淡蘋果方法有好多，有美股A/C嘅可以直接買佢哋看淡嘅相關產品，無嘅話都仲有方法，皆因市場上係有蘋果Put嘅，但老實講都真係屬於冷門嘢，差不多你可以將佢等同於外匯輪或商品輪咁看待，應該都無人怪你，所以決定一試嘅，注碼上真係留意一下啦。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試：https://www.patreon.com/join/cbbcwar
