1月2日 13:51
恒指喺今年首個交易日再次失守17000點水平，高開80幾點之後甫開市指數已經向下落，睇返五分鐘圖第一支「大陰燭」就知佢咩料，所以本來喺預定好喺開市後出好倉，借一借指數踩住第一層熊證重貨區同埋爬返上小時圖250線+日線圖50線而上，都未收油 > 扭軚 > U turn調頭比隻淡倉作第一注應市。
所以，今朝揀咗隻恒指熊(61147)出嚟，只係由於揀嘅時侯出場位有啲尷尬，所以見指數過小時圖嘅中軸先至出手。
睇返今朝出文嗰時已經係10點幾，Mark 一 Mark當時小時圖中軸見16839點，喺大約10點25分時見指數已經低走於呢個位，變相(61147)可以落場。以10點25分如常用10分鐘作入場起計，期內(61147)高低位做過0.058元/0.053元，平均買入價為0.0555元。
玩開Day Trade嘅都預咗，指數過咗第一浸向下落去衝之後都要預咗佢未必會可以再repeat多一次咁嘅衝勁向下，不過方向正確同埋守好量度線嘅話，基本上問題都唔大。
去到11點至12點，小時圖見指數完全低走於中軸線以下，Slow STC(14.3)兩線保持向住提超方向。不過喺11點35分時見五分鐘圖，指數企返上10線，而如果如常的借最近嘅線作為量度線，嚴守過線就閃嘅策略的話，咁喺呢個位都可以當快閃隻(61147)。以期內(61147)高低位做過0.059元/0.057元計，平均快閃價為0.058元，即呢一趟快閃平坊賺2.5格或4.5%。雖然呢一注唔係話執到好多，不過當幫自己喺今年開局攞個頭彩都唔錯呀！
下半場開市後見指數喺五分鐘圖上繼續企於保歷加中軸之上，如果換上小時圖的話，咁的確指數係未重上小時圖嘅中軸線嘅，但如果指數Keep住以溫水煮蛙咁，借10線唔覺唔覺咁Un返上去嘅話，咁淡倉仲在手嘅就真係數定格仔啦。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試：https://www.patreon.com/join/cbbcwar
