12月22日 14:02
今朝指數高開低走，所以揀定咗隻恒指熊(63574)出嚟，計劃借小時圖頂線出「吊頸」而比出，少少地見住下方量度線同小時圖10線(約16597點)做目標；只係要小心Slow STC(14.3)兩線喺小時圖上都仲未轉勢。
以今朝出文時間為10點2分，如常的用10分鐘睇文的話，即10點12分再睇返恒指走勢，小時圖上已經出現第二粒燭，不過未見向住10線出發；至於五分鐘圖上仲要見指數落到中軸後有支持再上，喺擔心指數於五分鐘圖嘅保歷加上升通道行Swing Trade之下，(63574)無得出場之餘，亦唯有等Slow STC(14.3)上返超買先至搵位，當好似平時咁做一趟Swing Trade就算。
忽然恒指不知那裡來嘅神力，指數由10點55分起開始係咁衝，一度升至逾200點，高見16857點，同步Slow STC(14.3)當然向上運行，至11點5分已經見到兩線上到80以上超買水平，及至11點40分，Slow STC(14.3)觸頂向下回落兼失10線。而(63574)喺呢段時間可以借Slow STC(14.3)出觸頂向下而落場。按期內(63574)高低位做過0.046元/0.033元，平均買入價為0.0395元。
唔呃你，其實嗰段時間我同戰友係揸住好倉，借中軸唔穿比好倉上嘛，但去到16850點已經無得再去，之後再向下失10線，好倉閃人。但點都估唔到指數息然瘋狂向下，原來「國家新聞出版署發布《網路遊戲管理辦法（草案徵求意見稿）》，其中提到網路遊戲不得設定每日登入、首次儲值、連續儲值等誘導性獎勵。」騰訊(00700)被人洗倉洗到創52週新低，成支黑色marker咁喺日線圖上面，跟手四條九(網易(09999)同三條七(網龍(00777))起標價係跌20%，指數呢下向下衝落去，坦白講見棍追真係高風險，所以我都係同戰友等下半場返嚟開市之後先至再執下雞。
依家1點44分，(63574)證價報0.073元，差不多相當於平均買入價為嘅一倍，而喺1點45分見指數於五分鐘圖上企返喺10線之上，整條保歷加通道向下行同時，其實Slow STC(14.3)都已經出返觸底，(63574)如常用10分鐘時間走貨的話，按期內高低位做過0.073元/0.069元，平均走貨價為0.071元，即係呢一趟淡倉勁食31.5格或79.75%；嗱！咁啱架咋！
今日【輪證下半Part】出得比較慢係因為係五分鐘圖發現「下降旗形」嘅出現，不過由於「旗面」係「三角形」，基於「三角形」嘅特質係可以無限復活，所以想睇下仲有無得去咁解啫。(肥貓起身啦，零食放題啦！)
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見FB專頁：https://bit.ly/3uixP4Y
