12月19日 14:03
今朝指數低見16408點，同之前 年內低位，即12月11日做出嘅15972點，有436點嘅距離，形態上指數於中軸前再次止步後向下回落，今日半日已過，尚餘5.5個交易日，會唔會蒸走埋呢400幾點？暫時睇似乎機會都仲係一半一半；一半係要睇返日線圖10線生唔生性；一半係睇倒底有幾多基金s放假令到指數運行速度減慢。
市場開始估出年美國會停止加息步伐之餘仲有機會減息，本來低息環境下有利資產成長；但問題係資產價格(包括樓市)唔止一個息口因素左右住，經濟環境同氣侯始終都會影響住市場購買慾及情緒，更何況零息環境基本上係「唔太可能」再次出現，除非...
指數今日低走過後似乎有見起色，但所謂嘅起色都仲未足以令到市場真正出現轉勢，Day Trade的話今日情況比噚日蟹形橫行更容易處理，而今朝Pick嘅恒指熊(63431)，本身計劃指數會好廢地再往下走，始終牛證街貨量比熊證多，不過低位出現「身懷六甲」都真係有啲力度，半場已經將指數推返上高於開市水平。所以(63431)亦只好等等Slow STC(14.3)上返去超買水平時，當作平時嘅Swing Trade一樣嘅玩法而出動。
喺今朝10點50分就已經見到Slow STC(14.3)兩線上到80以上嘅超買位，(63431)亦都響起落場訊號，望多眼當時保歷加通道口已經開始收窄，先係確認Slow STC(14.3)無超買再超買嘅條件，繼而指數同時於50線前有止步情況(於16557點出咗「平頂」)，如常的用10分鐘作為出(63431)的話，期內高低位見0.038元/0.035元，平均買入價為0.0365元。
及到上半場結束前，Slow STC(14.3)兩線有保持向下嘅走勢，只係未到超賣位，半場暫見中軸水平，而(63431)證價於入場後一度見過0.04元，至半日收報見0.037元，尚算和得到手績費。
等到下半場開市，出面天氣似乎有少少光返，但都係未見有太陽，而恒指就按住我心目中嘅劇本向下穿過中軸再落，(63431)會乖乖地等Slow STC(14.3)兩線落到超賣位的，最緊要係保歷加通道合作，拓闊比位佢落就得啦。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
