【輪證下半Part】12月得返7個交易日

恒指今日仍然與日線嘅中軸無緣，指數低開122點之後一度落到16600點邊皮位置，亦即同上日開市裂口頂部16610點水平相約，由嗰一個位拉出量度線後至整個上半場，都未見指數向下失線，至於上方高位喺10點15分做過半日高位16713點之後，出現一高低於一高嘅情況，「平底三角形」成立，指數去到半場收市前仍然處於16600至16650點之間，半日波幅108點，窄到媽都唔認得。

今朝亦都揀到貨出嚟，平心而論，踏入12月中開始向來都係基金s準備收爐嘅時間，或者上個星期恒指全周升458點已經完成粉飾廚窗，未來呢兩個星期，唔計今日餘下半日市，再扣減埋下個星期一同二(12月25日及26日)聖誕節及Boxing day嘅紅日，數數下原來今年得返七個交易。

下半場開市後見指數都係未太大變動，五分鐘圖嘅底線未過；而小時圖見指數喺都排排坐，似等20線上嚟，而保歷加通道口就開始有見收窄嘅情況，都係嘅，橫行咗半日佢都要有啲表示嘅。

今日策略上仍然都係睇住五分鐘圖條底線，佢今日唔過，怕且今日都無乜得嘢可以玩。

作者阿珊，以技術分析專心玩輪證，唔貪心，努力賺取我家肥貓罐罐。

作戰室免費試用，詳見專頁：https://bit.ly/3uixP4Y

下一篇：麥格理:小鵬曾跌逾半成留意沽12655、購18356

上一篇：高盛:阿里逆市繼續反彈獲資金吸納留意少數中期購21564、活躍條款購20416，貼價沽21346

信報簡介｜服務條款｜私隱條款｜免責聲明｜廣告查詢｜加入信報｜聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見，本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前，投資者應考慮產品的特點、其本身的投資目標、可承受的風險程度及其他因素，並適當地尋求獨立的財務及專業意見。

信報財經新聞有限公司、香港交易所資訊服務有限公司、其控股公司及／或該等控股公司的任何附屬公司、或其資訊來源及／或其他第三方數據供應商均竭力提供準確而可靠的資料，但不能保證資料絕對無誤，且亦不會承擔因任何不準確或遺漏而引起的任何損失或損害的責任。