12月14日 14:00
如果要求唔高嘅，咁今日恒指升過300點或者對於大部份睇住港股大、再睇住港股壞嘅投資者嚟講，算是苦中一點甜，今早高開後再用咗8分鐘時間將指數推至今日高位16577點之後，到依家下半場開市後7分鐘，指數升幅已收窄返至升1193點，報16422點。
今朝揀咗隻恒指熊(62803)先嘅，先揀淡倉嘅原因係喺五分鐘圖上見指數出咗「射擊之星」後，同步Slow STC(14.3)兩線亦見下行。當然，「射擊之星」唔係大晒嘅，所以都揀定隻恒指牛(63008)，一旦五分鐘圖出完「射擊之星」只係令指數稍為向下回返落去10線後企定嘅，咁好倉追出，一片歡欣；反之穿線比淡倉亦係人之常情。
以今朝出文時間見10點17分，如常的比10分鐘作為睇文時間的話，即於10點27分時再睇返個五分鐘圖，見指數已經失守咗10線水平，連阿市都幫你揀埋出咩貨，仲有咩要諗呢？(62803)如常的用10分鐘作為買貨時間的話，即於10點30分至10點40分期間，(62803)期內高低位做過0.052元/0.045元，平均出場價為0.0485元。
出場後就知麻煩啦，雖然Slow STC(14.3)兩線仲係碌緊落去，不過指數喺出場期間連中軸都過埋後，就無再向保歷加底線出發，反之向上同步見保歷加通道口收窄，於11點5分更見指數上返10線，Slow STC(14.3)兩線觸底確認。
得兩個做法，一，過線即掉，即係11點5分時見到指數過10線後掉走隻(62803)。以11點5分起計如常用10分鐘作為沽貨時間的話，期內(62803)高低位做過0.048元/0.043元，平均走貨價為0.0455元。即係話呢一趟平均輸3格或6.19%，捱得住嘅。
二，high hand少少，如前文所指見五分鐘圖保歷加通道口收窄嘛，即係Swing Trade生效，指數同Slow STC(14.3)兩線觸底回升之後，博到頂後保歷加仍然收窄或唔拓闊嘅情況下，Swing係會向番下，呢個純綷係物極必反嘅道理(但重申保歷加通道口拓闊的話就要即刻走，係連諗嘅時間都無)，以重新等多一次指數同Slow STC(14.3)觸頂後回落。之所謂high hand，就係咁解。
嚟到依家1點21分，再睇返五分鐘圖，指數同Slow STC(14.3)兩線的確喺大約今早11點25分上過80以上超買位後回落，不過向下落到見Slow STC(14.3)未失20水平暫時見停，同步亦喺五分鐘圖上畫得出一個好大嘅「三角形」，現水平仲要企住喺最尖嗰一個位，又That’s why指數開始進入低波幅上落嘅悶局之中，
如果仍然仲有淡倉在手嘅，「三角形」係可以無限復活，要等嘅就係當指數低於中軸位嘅時侯，保歷加通道口有無趁機拓闊，將「三角形」作向下突破啦。
【月度報告】以第一注負數mark入記錄。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
