11月20日 14:24
今朝無揀到任何嘅牛熊出嚟迎市，事關今朝指數喺五分鐘圖行出「三角形」，上上落落未見方向所以都係以靜制動。不過，喺大約10點20分，見指數喺五分鐘圖上終於向上突破「三角形」頂線，隨後更借10線而上，半日高見17774點，先將第一層熊證街貨全數收回，呢層貨唔多，一來本身無乜熊證喺呢層，二來可能係新增又要坐貨過夜關係掛，所以只有相當於49張期街貨。
恒指半日收17717點，升263點，五分鐘圖上清晰可見在完成「三角形」之後，指數借10線及保歷加通道頂線呈上，午前五分鐘稍為失守10線，同步亦見小時圖雖然有一度上破20線水平，但中午收市見最終只留下上影線喺度，未見企穩。
不過，再轉過去日線圖就更，今朝擔心嘅10/50線終於都算是企得到上去，似乎上破呢兩條線嘅意義，比起上到小時圖20線更為重要，只係Slow STC(14,3)兩線目前勢頭向頭下，並未順指數同步上行。
終於等到下半場開市，午後太陽曬到入屋，恒指繼續重拾今早熾熱，依家1點18分，指數升幅擴大至升301點，報17755點，小時圖午後返嚟見指數企返上20線之上，再借埋日線圖10/50線守穩，恒指牛(59447)，收回價17350點，同現價有約360點距離，槓桿約33.3倍夠做day Trade，只要佢五分鐘圖可以沿得到保歷加上升通道繼續保持上行就好啦，剛啱過咗踩中軸嘅入市位，蓋整條保歷加通道呈上嘅走勢，等多一等應該有嘅。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
