11月16日 15:08
今朝見指數高開後甫開之市即低走，小時圖上第一支陰燭愈變愈大棍，所以揀咗隻恒指熊(56404)出嚟，即出即追。
今朝10點未到已經出咗文，梗係啦點會阻人搵食先得架！以今朝出文時間9點53分計，如常的用10分鐘作為睇文的話，即喺10點3分再睇返個市，坦白講最大截嘅下行已經成過去，但見小時圖指數仍向下稍稍壓過10線就估到都仲有啲餸尾可以食得到(餸頭喺邊度食唔駛我再講啦)。
以10點5分起計如常的用10分鐘作為買(56404)嘅時間的話，即10點5分至10點15分期間(56404)高低位做過0.083元/0.076元，平均買入價為0.0795元。
落場後見指數有向下再行，至上半場低位見17722點。及至11點至12時嗰粒小時圖嘅燭，見成粒完全處於10線以下，不過就係陽燭嚟嘅，好正常啫，年初至今嗰條大型「下降通道」都唔係全陰燭啦，87！
如果只係打算以Swing Trade咁快速走一趟的話，喺今朝11點10分見指數稍稍回起上過10線(五分鐘圖)，同步Slow STC(14,3)兩線都有出現觸底走勢。借呢啲位走貨的話完全無問題。同以10分鐘作為走貨時間，(56404)期內高低位做過0.084元/0.081元，即平均走貨價為0.0825元，爬格仔3格或3.77%就係咁玩。
而如果堅守小時圖Slow STC(14,3)繼續向下至目標見20線的話，唯一要考慮嘅係指數定住喺依家呢個水平，同步20線上行去搵指數；而非指數再落向20線方向出發。
明唔明呀？
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
