11月15日 14:11
恒指今日回暖地升400幾點開市，半日高見17904點，揀定恒指牛(59348)出嚟係因為指數目前靠近熊證街貨，同時有少少預計18000點將會再來攻防戰，而今次呢個位同日線圖上大型「下降通道」相約，借呢個少少嘅200點距離出多轉好倉之後就行埋一邊等睇戲咁解啫。
以今朝10點44分出文，如常的用10分鐘時間睇文，即10點54分時再睇返恒指五分鐘圖，見指數仍然可以借得到10線再去，但同時指數定住喺高位變動唔大之下，都要預咗保歷加通道收窄下，借借下要用埋20線先得。有理無理先出隻(59348)落場先，按10點55分至11點5分，即如常用10分鐘時間作為買貨的話，期內高低位做過0.068元/0.065元，平均買入價為0.0665元。
落場後基本上都可以用返今朝早借小時圖畫過嘅頂線位做目標，最近線位為11月7日嘅開市下跌裂口頂部17938點。持貨至下半場1點40分，真係無啦啦低斜度向上都上得到呢個位，(59348)又真係到步可以收割喎。如常的用10分鐘作為走貨時間的話，即以1點40分至1點50分期間，(59348)高低位做過0.074元/0.071元，平均走貨價為0.0725元，呢一趟平均執6格或9.05%唔係好多，但都叫做正數呀！
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
