11月10日 14:19
今朝指數低開160點後，一直向住重貨牛證區出發，半場最低見過17198點，以2點功力向下打殺埋17200至17299點全層牛證街貨，換言之今日指數全數吞咗2909張期指街貨落肚，而17100至17199點變成最貼價牛證街貨層，依家見到有相當於1218張期指街貨，但相信指數今日一舉向下失守日線圖10/20線，手持呢個範圍收回價牛證嘅，早已四散。
今日策略如常都係借五分鐘圖Slow STC(14,3)作Swing Trade出手，同見重貨牛咁貼，所以都係用上淡倉為主。用上市場上最貼嘅恒指熊(58607)的話，喺今朝11點10分左右見Slow STC(14,3)%K線上到75左右，同步呢一個位亦都係上到保歷加通道頂線，由於保歷加通道口唔拓闊，所以都估得到條Slow STC(14,3)都係「係咁先」，偷呢個位出隻(58607)的話可以，但見到條保歷加通道頂至底窄到得返100點高度都無，就心知呢一注又係要用時間換格仔。
如常的10分鐘作為買貨時間的話，(58607)喺11點10分至20分期間高低位做過0.044元/0.04元，即平均買入價為0.02元。落場後指數都Keep住大約50點或更少嘅空間上落，都真係唔知好事定唔好事；最好笑嘅係得Slow STC(14,3)自High，由接近超買位向下落到半場見返中軸位低少少。
下半場開場後，完全睇得到恒指一直架住喺保歷加通道中軸之後，開始有少少麻煩就係Slow STC(14,3)自己落到超賣後，而如果保歷加通道Keep住平衡的話，好大可能觸發指數同Slow STC(14,3)出觸底，一旦恒指呢鋪跟佢走嘅話，就要留意保歷加通道口有無失心瘋拓闊比位佢上，咁樣孖T都中到嘅，(58607)亦無得留底。
BTW，由今日開始，【輪證下半Part】將會喺《信報》出現。
作者阿珊，以技術分析專心玩輪證，唔貪心，努力賺取我家肥貓罐罐。
作戰室免費試用，詳見專頁：https://bit.ly/3uixP4Y
