昨日 13:55
今朝揀咗隻恒指熊(64951)出嚟，諗住見喺小時圖上高位出咗「射擊之星」出嚟，淡倉出動都只係博指數回落到10線，拿!前題都係計劃指數借保歷加頂線同10線呢兩條行Swing出嚟架咋，對指數嘅上行絕對無「大不敬」。
同步都揀咗隻恒指牛(52851)出嚟，講到只係博到小時圖10線，真心怕出完文之後已經縮返上去，個市再上無奶油仲係得隻(64951)喺手架嘛。
以今朝Patreon出文時間9點59分，如常的用10分鐘作為睇文時間的話，則於10點9分再睇返個走勢圖，小時圖當時已經Update咗，小時圖亦由原本嘅「射擊之星」變咗粒「十字星」出嚟，喺5分鐘圖見指數亦都已經踩住10線向上走，至於Slow STC(14.3)兩線亦於中軸位轉咗方向。
由於小時圖見粒燭變咗樣，而小時圖亦都未見Slow STC(14.3)於超賣位出觸底，所以兩邊都未適合開倉。
等到上半場就嚟完場時，小時圖仍然都係處於228xx至230xx呢個位上落，數落其實呢度都有200點，的確係可以玩到Swing，仲比以前下半場條保歷加得返100點都無嘅Swing玩得仲開心，咁玩嘅話(52851)同(64951)兩隻都可以用得上。
依家1點6分，指數都開始比到一個頂線出嚟，至於下方暫時見借住保歷加中軸多啲，如果以依家嘅保歷加通道計，頂線至中軸高約123點，即用呢個通道做Swing的話，拉盡就得123點食；當然啦，撞正保歷加通道口有見拓闊就另計啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
