今日 11:25

輪證贏家丨不是Day Trade的Call

噚日揀咗隻恒指熊(66478)出嚟，計劃做一趟Day Trade，皆因當時恒指已經低走埋小時圖條中軸線，博佢再借Slow STC(14.3)向下再落。

可惜，剛好出文後喺五分鐘圖上出現咗「早晨之星」，所以出文後於Patreon嘅Quip上亦都補多張走勢圖係畫住「早晨之星」嘅樣；同時間作戰室裡面戰友們已經反手好倉。

如果要話喺日內再出淡倉唔係無可能嘅，但就要等到喺下半場大約2點15分，用返平時喺五分鐘圖上見Slow STC(14.3)觸頂離開超買範圍向下出動，唯因保歷加通道口收窄，所以指數下行得都比較慢；還好(66478)槓桿唔差，格仔數都爬得到嘅。不過呢注唔Mark入【月度報告】啦，因為同本身計劃出倉嘅策略不一；而本身策略計，於出文後唔見指數有再向下低走，上行過線勢如破竹咁，Slow STC(14.3)觸底上行更加不是一個適合出淡倉嘅位置。

睇返今日恒指，依家9點54分，於日線圖上見指數第三日守住喺10天線以上水平，唯上方20天線、保歷加中軸都仲未過得到，所以目前指數擺位都仲係處於保歷加下降通道；而呢一條下降通道，坦白講喺作戰室都已經畫咗兩個月有多。

其實如果要做day trade嘅話，今日隨時已經完晒，作戰室今日最後一注係好倉，到依家10點24分，戰友們見指數轉跌為升都紛紛食餬；唯小時圖上見保歷加通道口收窄，上/落位都受限，所以喺呢度又要試下搵吓啲個股睇住先。

撳咗一陣搵到隻唔知仲係唔係大家鍾意嘅瑞聲科技(02018)，噚日股價有到過34.86元低位出下影線後，今日暫見回順，日線圖Slow STC(14.3)亦有見觸底上，又係一個剛剛出轉方向嘅日線圖。

依家10點29分，換個小時圖見瑞聲爬返上中軸線樓上，Slow STC(14.3)兩線保持往超買方向走，守住中軸上而博日線圖有得再向上推嘅話，瑞聲Call(15944)，行使價41.88元，同現價有約14.24%價外距離，槓桿有約4.92倍，出年3月到期，引伸都偏低。

係要用日線玩，所以要睇耐少少，唔是Day Trade的，或者bookmark住先啦。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油匯幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。