今日 10:56

輪證贏家丨恒指熊 繼續又得 換碼又得 得咗

噚日揀咗隻恒指熊(61689)出嚟，睇完Patreon出文後應該都見到指數係低走於五分鐘圖10線，已經符合咗出倉條件。

然後再講明呢注係日內做Swing Trade用嘅，過到線最理想就係等Slow STC(14.3)兩線回落到超賣位就走人。

港股被人鬧廢都唔係無道理，噚日注(61689)等五分鐘圖Slow STC(14.3)到超賣位都唔駛等好耐就到，而且仲要出超賣再超賣，大把時間比你慢慢走，呢一注平均都報到7格或16.67%。

如果呢注淡倉帶到過嚟今日嘅話，嘿，今日指數再次向下殺返牛證街貨，依家9點59分，作戰室雖然無淡倉過夜，但即日嘅淡倉都已經完成咗一趟。

再嚟到依家10點8分，於小時圖上見指數的確係低走埋條中軸線，但係亦都未見指數往保歷加底方向出發，目前都仲係貼住喺線下面。

換五分鐘圖見指數低走到2407x點之後開始有慢活情況，Slow STC(14.3)兩線已經處於超賣位兼出咗超賣再超賣，10線向下搵緊指數...以呢個鐘數計係有準備換返個Swing Trade出嚟嘅。

恒指熊可以換返前少少如(66478)，收回價24500點，同現價有接近400點嘅距離，槓桿有約57.4倍，換股比率10000跳快啲。

Day Trade更係無問題，由於小時圖依家已經企低晒五條主要平均線，所以唔下望保歷加底線嘅話就先睇返24000點，同10月9日個裂口頂差不多；到步而有得再落嘅咪拎埋個裂口底。

又如果你仲有噚日隻熊仔喺手嘅話，你亦都可以將注貨拆開佢，食咁啲=鎖定部盈利；留咁啲=Keep住用噚日嘅買入價(相對低成本)嚟hold住注淡倉啦。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油匯幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。