今日 11:18

輪證贏家丨做返最熟嘅Swing Trade先

上星期五揀咗隻恒指牛出嚟，都講到明係要進取少少借五分鐘圖嘅100線企住嚟出；安全嘅等下10/150線上過埋先；再安全嘅用返五分鐘圖Slow STC(14.3)落到超賣位時出，當做一趟Swing的話，見超買位就走人。

今朝恒指比咗個200點有多嘅開市裂口出嚟，驚喜嘅，食咗咁耐牛都要啲熊嚟補補嘅，不過，今朝呢個裂口都將五分鐘圖同小時圖嘅技術指標向上推高晒，咁所以今朝第一注雖然都係有偷到吓好倉少少，但Hold得比較耐同順得返Swing Trade方向嘅，都係淡倉。

依家10點3分，五分鐘圖上已經見到保歷加歷加通道整條向上，而指數亦都同10線準備相遇，有無貨在手都好，戰友們都係等緊指數同線相遇嘅嗰一刻。

恒指熊(61689)，收回價24705點，同現價有約310點距離，槓桿有約64.2倍，依家10點8分見五分鐘圖上指數同10線終於都相遇啦，或者出完文再到你睇完之後，都已經知道個結果係穿線還是唔穿線。

係呀，呢注係日內做Swing Trade用㗎咋，過到線最理想就梗係連Slow STC(14.3)兩線都落到超賣位啦。

最後，之前有提及過喺星期六(10月10日)喺會展度有個講座嘅，小妹有幸能夠參與，感謝主辨單位同親自保你上台嘅老友Ck Chan嘅邀請。

距離上一次出席咁大型嘅演講都真係有成六七年前，當年感恩得到前高盛Gary賞識而搞咗個講座出嚟，印象中係講解一下揀輪嘅方法，所以同星期六講嘅技術分析唔同...感謝各位嘅包涵，做咗咁多年Media，問人嘢就識，講咁耐嘢真係好難...

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法，請往Patreon搜尋「cbbcwar」；《傻寶不懂的技術分析》系列已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。