今日 10:26

輪證贏家丨借小時圖平底出恒指牛僅限DT

噚日揀咗隻恒指牛(61861)，皆因計劃借小時圖指數落保歷加底線之後可以借到Slow STC(14.3)觸底一齊上返去，呢一注喺下半場都可以keep住向上搖上去；而喺噚日老友強少嘅YT Chaneel CK Chan裏面都有講到，可以出注好倉出去一齊住小時圖中軸線。

中軸線未掂到但10線都叫做有撲到上去，如常喺呢度以不過夜計算，隻(61861)都有正數執到嘅。

噚日喺作戰室度大家都估緊美國會唔會加息，亦都有戰友提議淡倉過夜，本身傾緊嗰時，從技術分析層面上都仲未見到出淡倉嘅值博率，但keep住留意啲圖同指標嘅走勢，直至到真係臨收市前五分鐘之內先至見到條Slow STC(14.3)勢頭向下，於是拿拿聲執隻淡倉出嚟，再提醒多句：過夜注安全起見，分量以打靶都唔肉赤為準。

今朝睇新聞見美國話加息，哦，但咁都未出事嘅，美國出事嗰點喺聯儲局主席講話之後先至發生；及至港股今朝低開233點，一步鯨吞重貨牛嚟開市，戰友如有過夜淡倉亦都login定個account，入定指令準備收割。

至依家9點58分，指數向下再殺244牛，而我曾經係貪心過嘅，諗住今日咬埋243牛(第二層重貨牛)，之後，睇吓會唔會再瀡到落噚日同老友強少喺YT節目度講到嘅恒指100周線(大約241呢個位)；只不過借周線圖嚟Trade嗰注貨喺作戰室玩咗成個月㗎啦，少啲人陪玩都無咁好耐性。

睇返即日嘅話，依家10點10分，見指數向下落到24400點後浮返上去，小時圖都係咁上下位置出咗底線，作戰室啲淡倉一早食晒，本身諗住睇吓會唔會有機會食「蛋糕熊」，但等等吓...都差唔多五分鐘圖嘅10線到啦。

我諗出完文到你再睇完之後應該有答案，恒指牛(60338)，收回價24000點，同現價有約400點距離，擺位低於100週線，槓桿有約46.1倍，Day Trade 啱用。

係嘅，係諗住借小時圖條底線守得住而做一趟日內嘅Day Trade嘅，先唔好睇上得返小時圖10線，今日暫時高位24598點爬得到都話佢叻！

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。