今日 10:49

輪證贏家丨壓住小時圖中軸條界

噚日揀咗隻恒指牛(59773)出嚟，雖然有密謀過小時圖個疑似「塔形底」出現。不過都係用返五分鐘圖嚟搵出入貨位，做吓一趟Swing Trade就算啦。只係估唔到呢趟好倉呢頭買完嗰頭指數開車上，持貨最多都只係半小時啫，平均收3.5格或5.88%；計埋Time Cost嘅話，都真係算係咁。

今朝指數高開121點，開報25774點，喺作戰室第一句Mark住順U盤方向之後都已經停一停自己，再比多兩個星星Warning同安全帽出嚟，因為今朝開市個位同噚日喺工時圖畫住嘅頂線25780點只係爭6點，因此mark住呢個位作為上方量度線嘅話，今日作戰室第一注係淡倉行先。

依家9點48分，指數向下落到25576點有見出底線，戰友們先將今朝注淡倉正數收走/出咗風箏策略，等緊嘅係10點後指數小時圖上嘅擺位：喺20線上還是20線下。

終於等到10點鍾，唉~ 同掟彩虹一樣，永遠都係壓界，但由於指數依家企返住喺牛證街貨層，小時圖Slow STC(14.3)兩線向下 + 保歷加通道口收窄，料Swing Trade仲有條件出現嘅話，咁先揀隻恒指熊(61516)，收回價25950點，同現價有約400點，槓桿約65.67倍，為同一收回價中槓桿最高。

出場條件係指數一定要向下穿得到條小時圖中軸線先得；否則等唔到或者佢最後選擇企返於線上嘅話，咁用返五分鐘圖嘅Slow STC(14.3)做Swing Trade算啦。

作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。

Patreon新出為期四篇嘅《短期課程》已經全數上載啦，文章教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。