今日 10:51

輪證贏家丨做返平時STC嘅Swing Trade

噚日揀咗隻恒指牛(69451)出嚟，如噚日大題一樣，睇吓小時圖出唔出到Swing Trade。但事實係噚日指數喺第二日咬住小時圖中軸線，唔上唔落確實係難玩。

今朝見隔晚美股都仲着著緊綠燈，本以為今日港股都繼續企住喺日線圖10/250線之上；但果然恒指係平衡時空，指數低開200幾點之後再往下走，坦白講噚日有見五分鐘圖Slow STC(14.3)兩線觸底上係有小注好倉博過夜嘅，今日見到個咁嘅裂口，先係搶淡倉追落嘅同時亦都要甩走隻過夜牛，然後用今日即市注淡倉嚟填返過夜牛嘅氹。

依家10點8分，還好指數今日下行嘅動力係夠嘅，有見跌500幾點，已經可以Cover注過夜牛(事實證明我都會輸，一輸仲可以輸得好金!因為唔會有人可以只贏不輸㗎!)，心理上都定一定之後，重新再部署。

其實有睇開呢個欄嘅知我係好少出過夜貨，不過今日見日線圖連10線都無埋，而呢個位喺作戰室都mark咗成個星期，講明一穿250/10天線，借日線圖嘅淡倉掟出去，順住已經觸頂向下嘅Slow STC(14.3)落去；但又咁講，依家被噚日注過夜好倉嚇一嚇，搞到自己又唔係好敢出貨過夜...

依家10點半，指數於25400點似乎跌停咗，同時五分鐘圖上嘅保歷加通道亦都變成整條向下，目前指數處於保歷加下降通道面運行，剛剛爬返上10線，而作戰室今朝嘅淡倉亦都已收正數，告一段落。

「借返Slow STC(14.3)平時做Swing Trade嘅方法得唔得呀?」當然可以，但前提要指數企得穩喺五分鐘圖嘅10線先。

恒指牛(68077)，收回價24980點，同現價有約446點嘅距離，安全為上，而槓桿亦都有約45.4倍，為同一收回價中槓桿最高、街貨亦都低，1%都唔夠。

指數依家開始見慢活啦，比啲耐性啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。