昨日 11:14

輪證贏家丨留小時圖出唔出到Swing Trade

噚日揀咗隻滙豐牛(62382)出嚟，講前題一定要股價企得住喺小時圖10線先好；績後出嘅就當自己係安全mode注；但以呢隻牛嘅槓桿嚟做返五分鐘圖Slow STC(14.3)啲Swing Trade嘅話亦都係夠嘅。

先睇安全注，噚日中午收市後就出業績，午後一開即冧過10/20線，雖然之後有見出下影線上返去，變相喺抽高嗰一下有可能出咗(62382)。

之後有見指數確認低走於小時圖10線，及至3點終於都有見股價向上抽高重上10線以上水平，唯於五分鐘圖上見「射擊之星」出現，(62382)難守，見高位企唔住開始向下縮出上影線，就趁機走人，小執三格當和咗個手續費。

咪以為今朝起身見到隔晚外圍升成9xx點，港女就會好爽，結果高開高走之後轉向下玩燈掣，依家10點20分，作戰室先淡後好之後，依家準備緊第三次Swing Trade。

今日喺作戰室用五分鐘圖做Swing Trade真係心很累，因為慢少少都會被chok死；但反而你會見到小時圖平靜如水，因為chok上chok落都係同一個水平，以小時圖見佢就會變成好矮燭身嘅小燭仔；再化到去日線圖只會見到(暫時)係十字星。

坦白講日線圖SLow STC(14.3)上到超買位兼keep超買再超買都好一段時間，見熊證成堆重貨喺度都知大家係要博指數向下走，那怕只係大漲小回，小回就夠，作戰室都係咁諗，噚日同前日嘅陰陽燭都高位出現咗「破腳穿頭」，唯仲未開出Put真係有三大原因。

1.日線圖250線應該搽咗印度神油。以今日暫時低位25729點同250天線25728點比，一點蔡接住指數企定定響度；五分鐘圖更見低位到步後出陀螺即反彈過百點，反咬住25900位置。

2.小時圖Slow STC(14.3)兩線今朝開市後首半小時已黜於超賣位見觸底，如果11點打後小時圖再update完確認返指數企得到上10/20線以上嘅話，出Swing Trade條件更明顯。

3.熊證街貨真係好吸引。

表面證據見技術分析同街貨都有住同一個方向，但不得不承認嘅係，日線圖嘅Slow STC(14.3)貼住喺超買位成個三個星期，再追好倉會被人誤以為青山出嚟。

仲有15分鐘就11點，我估11點打後你先睇完文再睇圖，如果到時見到小時圖指數係確認企得到喺中軸線，而Slow STC(14.3)係keep住向上嘅話，恒指牛(69451)，收回價25500點，同現價有約380點距離，擺位低於10天線，槓桿有約51.8倍，屬同一收回價中最高槓桿兼最低街貨，真係只係用小時圖嚟博Swing Trade一下啫，都唔期望26000點會重奪啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。