今日 10:46

輪證贏家丨依家追海油牛仲有少少位

噚日揀咗隻恒指牛(57405)出嚟，諗住指數都有條件沿住五分鐘圖10線同保歷加頂線向上夾多一陣，睇吓偷唔偷得到醒24500點，但見Patreon出文後再如常用10分鐘去睇文，之後睇返個走勢圖嘅話，已經唔同晒，指數下行過五分鐘圖10線，連作戰室都已經反手開出淡倉。

當然，隻(57405)係可以借五分鐘圖Slow STC(14.3)觸底上而出動，做一趟Swing Trade嘅，不過噚日無喺文度寫就唔計入【月度報告】啦。

美伊場仗水break完之後又再打過，油價重新被推高，再加上噚日晶片股噚日玩到韓股熔斷，所以噚日收市時喺作戰室反手執定隻恒指Put出嚟。

今朝港股開跌點數唔多，但已經Plan同淡倉出動，同時亦都大約Mark住四個淡倉即市開出爬格仔嘅Check Point出嚟，兼數住時間大約10點前可以搞掂，作戰室亦有戰友已經10分鐘內極速完成一注淡倉之後，返回工作崗位。

10點前指數下行，淡倉完成第一注之後，10點後指數於23900點築底成功後，發力向上高走至見倒升，呢注好倉喺作戰室無追到，一來太快追唔切，二來依家10點18分見指數上到五分鐘圖嘅150線就見止步，Slow STC(14.3)三爬兩撥已經上返去超買位。

上到呢個位指數開始要啲時間同力去破位先至得，如果唔係都係來回上落。

好耐無睇過個股，承如上文提及美伊繼續開火，油價搶高，啲中海油(00883)、中石油(00857)又拎返出嚟；不過因為聯儲局話加息，推高咗啲美元令金價下行，更失守4000美元，所以呢一Round「避險」就無佢份。

以依家中海油日線圖嚟睇，係仲有少少位可以偷多步，只不過換小時圖出嚟見150線出咀力，似乎又未係一個合適入市嘅位置，安全嘅都應該要等返條10線位。

海油牛(68080)，收回價19.6元，為目前最貼價牛證，低於小時圖五條主要平均線嘅位置，但Mark住股價如果回落到10/20線有見支持時先至出動，博食埋日線圖Slow STC(14.3)上到超買位嗰少少咋。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。