昨日 10:44

輪證贏家丨兩手準備 借五分鐘圖做Swing Trade

噚日揀咗隻恒指熊(61097)出嚟，喺文末逐個目標set晒出嚟，第一站先用啲齊點數位即23600點、23500點做一做個分隔先，都有見到嘅話，先再拎埋噚日小時圖嘅平底線23488點做下方目標，有得穿埋嘅先再拎個牛熊證街貨圖出嚟，睇住啲街貨打。

喺日線圖上Keep住畫條「下降通道」出嚟，幾次下影線落到之後都有見指數抽返上去，形態就係「一浪低於一浪」囉。而星期一(22日)低位「十字星」本以為會彈，去到噚日港股受外圍拖累再跌兼再創年內新低，及至今日今朝出完盞綠燈之後，23500點企唔穩又要出返淡倉。

依家10點15分，喺小時圖上已經畫咗個區間位出嚟，喺作戰室裏面就係用緊呢個區間位嚟做Swing Trade。

以日線圖計，目前的確是有一個不錯捉觸底嘅條件，但以港股目前弱過弱雞計，觸底訊號都係唔係好夠；都係做返Day Trade，且戰且走安全啲。

再嚟到依家10點21分，指數都開始補今朝開市裂口，不過Slow STC(14.3)都已經落到超賣位門口，除非喺之後嘅時間指數向下跌穿小時圖個區間底線，咁先至要出隻恒指熊(62843)，收回價23901點，為市場上最貼價熊，同現價有逾550點距離，槓桿有約38.9倍亦為全場最高。

同時都揀定隻恒指牛(60156)，收回價22900點，同現價有約440點距離，企遠啲安全啲，槓桿有約40.3倍，為相約收回價中最高。呢隻如果你睇完文之後，再睇返個五分鐘圖見有觸底上嘅，咁就小注出動博日內出觸底反彈啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。