昨日 10:21

輪證贏家丨準備到日線圖「下降通道」底線

噚日喺呢度無揀到任何貨出嚟，皆因打文同出文時都未見到方向，但喺作戰室約在10點17分時出動淡倉，呢一注一hold到大約11點25分，個零鐘時間收100點，同時亦都等放飯；再去到下半場見港股都係彈唔起咁款，於是再出多次淡倉，3點前見五分鐘圖觸底上過10線，提早收工完場。

都唔係個個戰友日日咁樣Day Trade有時間炒，所以有時都會睇吓啲日線/周線/月線圖，睇吓有無啲可以Hold到幾日貨嘅Trade做得到。月頭時其實喺作戰室已經拎咗條月線圖20線出嚟，睇吓呢條線接唔接得住恒指；到依家月中過啲，以暫時呢個月做過嘅23999點計，呢條線都真係叫做曾經穿過；一旦今個月尾埋數計佢確認失守嘅話，又可以拎定隻恒指Put出嚟。

不過，呢個星期Keep住見到恒指牛熊證街貨圖都係重牛輕熊，今日當然唔例外，明白出好倉坐住過夜博反彈嘅心理，但係...係咪都應該等返指數確認落到一啲技術位先嚟出好倉等上好啲呢？即使牛熊證係無乜時間值可言，但長期坐住隻貨...算啦，可能只係我無耐性啫。

好似好耐都無喺呢度睇過日線圖，但呢條「下降通道」喺作戰室者畫咗兩三日，就係Mark住日線圖嘅保歷加底線，個位同「下降通道」嘅底線相若，同時如果呢個位一到嘅話，除咗代表住指數再創年內新低之外，重貨牛亦都死九成；而今日見23800至28399點都仲有一層又係過千張嘅期指街貨。

依家9點42分，恒指低開之後再向下落，依家都跌逾300點，暫時低位有見23981點，係創咗年內新高嘅同時，愈來愈靠近日線圖嘅保歷加底線，作戰室今日就係等緊做棄淡換好嘅動作；當然，爬格仔嗰部份仍然都係會繼續。

恒指牛(67415)，收回價23388點，同現價有近600點距離，如果係用嚟等指數落到日線圖嘅保歷加底線而出動彈返起佢上去hold幾日嘅話，600點距離其實屬正常距離，所以呢注唔係Day Trade用，亦都唔需要急住出貨，留意住日線圖保歷加底線接唔接得住指數先啦。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。