昨日 10:25

輪證贏家丨恒指牛借小時STC觸底上

噚日無揀到貨出嚟，因為出文嘅時侯未見到有方向；不過上半場最後作戰室都係用淡倉做咗個上半場。

至於前日出咗嗰隻恒指Put(26468)，放心，仲有喺手，皆因噚日指數同出高開低走都無乜分別，如果用日線圖4月8日個上升裂口底部25254點做目標/之前睇住重貨牛25200至25299點全層清嘅話，就睇吓今日有無機會到啦。

今朝指數高開255點後，又嚟高開低走，喺日線圖上有見指數目前擺位仍然處於4月8日個裂口(25254點至25668點)呢個範圍，疊加今日指數開喺小時圖中軸線以下，而中軸線為25651點，借呢個位做上方量度線，作戰室今日先出隻淡倉做Day Trade；再望隻(26468)輪價喺9點43分報0.095元，噚日有上到0.1元㗎！但如果唔想過Weekend嘅話，咁今日之內正數，可以先走。

仲有10分鐘就到10點，作戰室啲淡倉見25500點穿咗幾次都未穿得到，都已經有戰友收咗正數走人；仲有在手嘅，就等緊25500點呢個位倒底穿唔穿到。

10點後有見指數於小時圖上雖然重新低走於五條主要平均線，但抱住Slow STC(14.3)兩線勢頭仍然向上，配埋五分鐘圖指數有條件企於10線借埋保歷加頂線夾住向上行嘅。

以避開今日重貨牛25200至25299點同25100至25199點呢兩層嘅話，恒指牛(54627)，收回價25050點，同現價有約450點距離，槓桿有約47.2倍，換股比率10000，Day Trade進取借五分鐘圖10線守得到指數而出動；耐少少借小時圖Slow STC(14.3)觸底向上，睇吓過唔過得返10/20線。

最後，今日係我家老爺生日，等我一陣同我家肥貓諗吓點樣簡單地慶祝吓先。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。