今日 12:06

輪證贏家丨借小時圖STC向下入恒指熊

噚日揀咗隻冷門貨日經Call，皆因見到日經仲行得靚過港股(坦白講噚日對住港股捉錯第一步之後真係無符，或者係自己黑氣啦，所以喺作戰室裡面「多一事不如少一注」，自己喺度靜靜地鈎吓公仔算)，而隻日經Call行使價係60000點，真心輕微價外，諗住短時間內如果日經推得到上60000點隻貨價內嘅話，咁就食埋內含價值收工。

不過呢一注都唔預可以Day Trade得到，下方量度線用10天線好似有啲遠，咬近少少用返上個星期四同五(4月16日及17日)嘅小底線5847x點左右做下方量度線。真心呢注係冷門嘢，注碼上留意之餘，揀呢啲冷門嘢嘅輪，必要時都要稍為放棄一下槓桿同引伸，去換取一隻活躍嘅輪嚟圍圍爐。

今朝起身見隔晚美股同外圍都着紅燈，都有少少擔心今日條日經唔知會點，一開app睇指數嗰版，嘩!成版紅色得一隻著綠燈就係日經，依家9點59分見日經升緊155點，報59504點；而噚日隻日經Call見升近3%，不過可能噚日入個位比較高，所以計落暫時都係打緊和。

Anyway，60000點目標不變先；下方量度線都要Set好啲，始終都係冷門貨，59000點或再上多級嘅59500點都可以。甚至數住格仔走都無問題㗎！總之就正數啦！

至於港股方面，今朝港股低開後，見五分鐘圖同小時圖嘅Slow STC(14.3)擺位都比較高嚟出觸頂向下，所以喺作戰室完U後已經Plan定出淡倉，10點打後已經將注淡倉化成風箏，借緊5分鐘圖10線身輕上路中。

換小時圖上見，目前指數擺位已經落返去保持加下降通道，但底線26180點又未穿喎，Slow STC(14.3)兩線則有見觸頂向下，落到中軸水平。

借小時圖Slow STC(14.3)觸頂向下而出淡倉嚟追Slow STC(14.3)到超賣位的，恒指熊(56966)，收回價26538點，同現價有約350點距離，槓桿有約55.7倍，同一/附近收回價之中槓桿最高亦低街貨。

當你睇完文之後再睇返個走勢圖時，留意一下5分鐘圖上仲有無見到指數於10線同保歷加通道底線運行，即使借小時圖出淡倉，但都可以喺5分鐘圖上搵個靚啲嘅位入嘅。再唔係用返Slow STC(14.3)觸頂向下Swing Trade一趟囉。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。