今日 10:40

輪證贏家丨恒指牛準備追重貨熊

上個星期五揀咗隻恒指淡倉出嚟，出文後再睇完文見返個5分鐘圖，指數仍然低走於5分鐘圖嘅10線，即仲係喺保歷加底線同10線之間運行，咁呢注淡倉就可以借5分鐘圖10線做上方量度線而出動；跟手同樣地用返10線做量度線的話，即日平均都有18.92%正數執到。

今朝恒指開市都係升44點，馭至開市之後即見高開低走，開市3分鐘後指數最多見跌40幾50點左右，但亦都好快縮返上去，真係Chok到嘔泡，到依家9點47分，喺5分鐘圖上見指數開高後先倒跌再極速抽上出超長下影線後，於高位附近再比個「三角形」出嚟，依家作戰室唯一可以做嘅係等。

Chok得太過份嘅關係，所以作戰室都等到差不多10點先至開出第一注好倉，畫住上個星期五個開市裂口位啲做借嚟做量度線，但仍然都係見好先收，皆因見到保歷加通道口有見收窄，頂線向下是有限制指數再上行嘅空間。

不過，再加埋牛熊證街貨嘅擺位嘅話，恒指牛(57838)，收回價25872點『同現價有約400點距離，槓桿有約55.9倍夠做Day Trade，低街貨亦都係吸引嘅，指數上行方向好堅咁但都唔等於要企得太近架！借小時圖10線企住而出倉嘅話，依家10點23分已經見佢已經補咗，作戰室好倉換用五分鐘圖嘅裂口頂做目標，希望佢補埋之後，有條件推返闊小時圖嘅保歷加通道口，令指數有條件同有空間再上，甚至向重貨熊26500至26599點出發啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。