今日 10:32

輪證贏家丨26000點又打攻防戰?!

噚日揀咗隻恒指熊(60828)出嚟，Set住兩個位可以入貨嘅，一係進取mode見五分鐘圖10/20線出阻力將指數向下推落去；二係安全mode稍等Slow STC(14.3)上返超買位見觸頂下行做一趟Swing Trtade。

以噚日Patreon出文後見指數向上升穿過五分鐘圖10線，咁就唯有變陣用安全策略，不過呢一趟幾乎同白做都無乜分別，持貨到下半場指數比上半場行得更慢，最多都只係為番手續費，叫做今日有做過嘢咁解。

唔緊要啦，出注日日都咁順利嘅話就真係無人會返工架啦。今朝先指數開升139點，報25891點，再睇返個街貨圖見指數踩返上第一層熊證街貨25800至25899點呢層(嚴格嚟講呢層一開市即全數被收回，因為呢層只得一隻熊證)，而目光一早放咗喺26100至26199點嘅重熊區，所以作戰室今朝早都Plan定出好倉，開市15分鐘後再轉出風箏策略，因為指數已經爬升至26000點樓上，沽半留半目的係先保返住今朝出好倉嘅本+少少嘅利潤，再留部份相對低成本嘅注嚟睇吓今日會唔會雄心壯志地上去打重熊證。

至於喺呢度，即使再揀隻好倉出嚟嘅話，都唔會係硬追嗰隻，因為依家(9點56分)五分鐘圖上見指數於26067點有出頂線，而10線終於都向上追緊指數，保歷加通道口目前仍然拓闊，所以比到條件Slow STC(14.3)兩線出超買再超買。

估計到出文後再睇完嘅話，指數應該都會同五分鐘圖嘅10線相遇，到時再留意埋保歷加通道口嘅走勢，特別係條底線，因為佢嘅擺位係會影響到Slow STC(14.3)同指數出唔出觸頂 aka Swing Trade嘅可能。

同之前玩開嘅Swing Trade一樣做法啦，出文後如見五分鐘圖10/20線守得住嘅，就當進取mode出好倉；如果已經守唔住嘅，咁用返Slow STC(14.3)超賣觸底上行出好倉。

恒指牛(55165)，收回價25294點，同現價有約750點距離，約31倍槓桿都夠做Day Trade，今日新鮮熱辣上市所以0%街貨，(Touch wood)萬一26000點真係企唔穩又再向下碌嘅話，都唔怕出現人踩人情況。

依家10點11分，最近見到五分鐘圖嘅指數同10線相遇啦，係進取mode定如常用STC做Swing，好快就知啦！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室