今日 11:01

輪證贏家丨技術性熊市

上個星期五揀咗隻恒指熊出嚟，都諗住只係用返五分鐘圖Slow STC(14.3)做觸頂向下Swing Trade一起可以，同時亦留意注碼。呢注都唔駛過weekend，3點半左右見Slow STC(14.3)觸底上行都走得。

如果過咗個weekend嘅話，咁今朝起身見到ADR條數都知自己變肥仔，再到今日完U後，恒指開跌488點，重貨牛24800至24899點嗰層久守終失，而作戰室今朝亦都有理無理搶淡倉，目標就只係清埋247同246呢兩層過千張期指街貨嘅牛證就收得工；至於今日最終港股會唔會跟外圍一樣跌到一仆一碌咁款...其實都無乜所謂，因為技術上指數喺日線圖失守250線，已經叫做步入熊市。

再比個周線圖出嚟有見指數低走於50周線，同時保歷加通道口都有見拓闊，依家最貼價嘅熊證同現價都有成千點距離，但嗰幾隻都坐住唔少街貨，還好今日都有一堆比較貼價嘅熊證新上市，無街貨如恒指熊(61385)，收回價25826點，同現價有約1252點距離，所以槓桿得返17.8倍。

當然你係可以考慮用Put嘅，但係當你揀Put嘅時侯你要考慮埋引伸波幅嘅問題，依家10點39分指數跌781點，24500點都穿埋，啲Put嘅引伸一定抽高晒；如果第二日無咁大嘅波幅再向下落嘅話，咁引伸波幅收細就會影響Put嘅輪價，呢個因素喺你買之前你都要考慮清楚啦！

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。