今日 10:28

輪證贏家丨兩手準備借五分鐘圖STC做ST

噚日揀咗隻恒指熊(69256)出嚟，未好急於要出動嘅，所以mark住五分鐘圖嘅走勢，借Slow STC(14.3)出觸頂向下好；指數浮到上五分鐘圖嘅10/20線遇阻都好，總之，用隻高槓桿嘅淡倉順住依家個大方向嚟做Day Trade先。

噚日出文時都已經見到指數浮到上五分鐘圖10線，如常以Patreon出文後先當用10分鐘作為睇文時間，之後再睇返個五分鐘圖就已經見到10線做咗指數阻力線，重新向下同時(69256)亦符合出場條件。估唔到呢一注可以咁樣吞法，有啲似上個月出好倉，指數大幅度上落再配隻稍高槓桿嘅證，都已經夠做。

今朝見指數開市升返200幾點，開市價見爭5點先至開返喺27000點樓上。係開市之後有高衝過，不過五分鐘都未過已經向下壓返落去。睇嚟今日似要留意返27000點呢個齊點數關口位。

作戰室今朝Plan定出好倉，不過都只係晝住噚日高位27100點做上方量度線，偷完呢截路之後，見五分鐘圖Slow STC(14.3)都要出返觸頂向下嘅Swing Trade，所以都變陣做淡倉。

10點後嘅小時圖有見指數於50線同10/100線之間游走，如果指數向下壓得過10/100線嘅話，隨時五分鐘圖Slow STC(14.3)都已經行完個觸頂下行，睇嚟今日都只可以做返五分鐘圖裡面做Swing Trade。

先比隻恒指牛(62078)，收回價26488點，同現價有約581點距離，槓桿有約41倍，企遠啲安全啲，而且街貨又少，去隻牛出嚟先係因為出完文再你再睇完之後，五分鐘圖嘅Slow STC(14.3)都可能咗到超賣位，咁就可以準備定佢出到觸底嘅話就掟隻牛出去。

但如果，10點前做嘅高位27126點已經係今日高位之餘，五分鐘圖上呢個位見嘅「射擊之星」推到Slow STC(14.3)好似噚日咁永不翻身咁滯嘅話，咁恒指熊(69267)，收回價27500點，同現價有約500點距離，槓桿有約54.2倍，都係低街貨。

見今日揀嘅貨都唔係近嘅貨，因為指數呢排嘅波幅比較大，所以企返遠少少，安全至上。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。