今日 10:56

輪證贏家丨追金宜注碼控制風險

噚日揀咗隻恒指熊出嚟，目的係向下殺落去264嗰層牛證重貨位，但剛剛打起隻稿嗰時都已經見到嗰層牛差唔多被人食晒，到出文後再到你睇完我諗你都已經見到骨都無埋。作戰室仲要喺10點半到出反手好倉，隻淡倉應該都可以收埋住先。

今朝起身睇新聞見到條頭係講美國總統特朗普繼續話要嗒格陵蘭單嘢，下一步行動係乜?!佢老人家話賣個關子先。只不過，金價Boom一聲上到去每盎斯4800美元，還記得上年大行估今年年底目標見5000美元，美講話Q1，隨時1月未過分分鐘到。

睇嚟前日講嘅SPDR金ETF(02840)「有買貴、無買錯」都真係唔係錯，金價被市場各種不確定嘅政治因素搶到個價愈嚟愈高，的確係有諗住等返(02840)回落返去10線位時先至出手，但似乎點等都等唔到，硬追S金Call(21117)，收回價3501元，同現價有約1.24%價外距離，槓桿有約7.52倍，輕微價外博金價再上多少少，將隻Call推到上價內，食時間值+內含價值。

由於價位都真係彈咗上去，所以再三提醒如果要硬追嘅話，注碼上留意一下，Set好蝕止位；而如果係直接買(02840))嘅，當呢一注係第一注亦都無壞嘅。

總之，以注碼嚟控制風險啦。

作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。

直接去Patreon搜尋「cbbcwar」領取七日免費試用即市作戰教室

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。